Rev. Dr. Thlaawr Bawihrin cu Hlamphei khuami Pu Tuangkhar Bawihrin le Pi Nguncan Bawihrin nih an ngeihmi fale (8) lakah pa 3nak asi. February 25, 1993 ah Pi Dawtzi Bawihrin he thitumnak an ngei. Pathian nih fapa 2 le fanu pakhat thluachuah a pek hna. 1979 ah Hakha in tanghra a awng. Bachelor of Art (BA) University of Yangon in 1984 ah a dih. Cun, 2002 ah Ashland Theological Seminary, Ohio, USA in Doctor of Ministry (D.Min) tlamtling tein a lim. Cun, ABC (American Baptist Churches) Greater Indianapolis, Indiana nih August 22, 2002 ah Ordination an pek.

Khuazing Pathian a vel thawngin a tanglei bantuk in Khrih le Khrihfabu caah a tuan.

1. Principle, Myanmar Theological Seminary (1991-1992)
2. Pastor: Hlamphei Baptist Church (1992-1993)
3. Pastor: Khuabung Baptist Church (1992-1995)
4. Area Secretary: Khuabung Baptist Area Churches (1993-1995)
5. Mission Director: Zophei Baptist Association (1995-1996)
6. Director: Education and Rural Development, Zophei Baptist Association (1995-1996)

Butler University, Religion and Philosophy Department (later Christian Theological Seminary) Master Degree kai dingah 1996 February 12 ah Indianapolis, Indiana a phan. Sianginn kaipah in USA ah Chin min phan khawhnak hnga biatak tein a cawlcang.

1. President: Chin Community of Indiana (2002-2005)
2. Chairman: Chin Refugees Committee, Indiana (2002-2008)
3. Chairman: Chin Christian Fellowship of Indiana (2004-2007)
4. Coordinator: Chin Baptist Fellowship of America (2004-2007)
5. Chairman: Ministers Council, CBFA (2010-2012)
6. Chairman: Literature & Publication Department, CBFA (2012-2015)
7. Chairman: Scholarship Committee, CBCUSA (2012-2015)
8. Associate General Secretary: Chin Baptist Churches USA (2012-2018)
9. General Secretary: Chin Baptist Churches USA (2018-2022)

Chin Christian Fellowship of Indiana cu 2012 hnu in Chin Ministers Fellowship of Indiana, tiah then asi. 2004-2006 tiang Chin Baptist Fellowship of America hruaitu cu Coordinator tiah auh asi. 2006 Battle Creek Civui ah Executive Minister tiah then asi. ABCUSA ah region pakhat ah cohlan thiam kan si lo caah, 2012 in General Secretary tiah min then asi. 2010 Maryland ah tuahmi a voi 3 nak CBFA civui ah Chin Baptist Churches USA, tiah then asi.

Rev. Thlaawr Bawihrin cu acunglei langhter bantuk in, 1991 in Khuazing Pathian nih a rian a hrawm i, Indianapolis ah Chin mi kan vun karh deuh tikah 2006 kum in Zophei Baptist Church ah nihin tiang Pathian rian a tuan cuahmah lio asi.